Program Sejiwa-Senada RTM1 Ngakal Peninga Rumah Panjai

Kuching
Saturday, 2nd April 2011

RTM Mantai ke pemula sida pasal pemansang di Kanowit. Bala orang di rumah panjai enti kitai ke bukai tu nadai madah ngagai sida deka ngarap ke pemula utai ditusi RTM1 tu!

Cukup Pandai Barisan Nasional Mansut Ke Pemula Ngagai Peninga di Rumah Panjai Kena Ngambi Ati Sida Awak ke Nyonteng Barisan Nasional maia pengawa bepilih negeri Sarawak ke sekali tu.

Lemai tu enda sengaja aku tebuka ke RTM1 lalu tepeda ke Program Sejiwa Senada. Lalu sebetul ia baka saritu RTM nabur ke pasal pemansang di menua Kanowit. Antara pemansang ti dipansut ke ianya pasal pemansang kelapa sawit lalu aku tabur ke baru nama ti disebut perantara RTM1 ko iya :-

Orang ke diau di rumah panjai di genturung menoa Kanowit maioh pemansang ngelama ti udah  nitih ke skim nanam kelapa sawit. Skim tu ngenatai ke maioh penguntung ngagai sida ari rumah panjai lalu pia mega maioh sidanya udah nyadi orang ke nyamai serta bisi penatai pemisi. Pemansang tu mega ngenyamai ke sida ari rumah panjai ari segi pemansang jalai besai ngagai rumah sida.....

Nya iya di antara pemula RTM1 ke nyadi propaganda BN kena narit sokong ari orang Iban. Uji kitai ngagai Kanowit, berapa ribu udah diterima sida ari projek kelapa sawit ngelama ke udah masuk skim JV Pelita-Kompeni Semenanjung? Berani aku nilat burit bini Taib enti sida di Kanowit bisi nerima dividen sampai beribu-ringgit anang sebut ka nyadi orang kaya baka jako pemula ti dipansut ke RTM1. Iya ke bendar, orang ti nyadi nyamai ari projek JV di Kanowitnya kompeni besai ari Semenanjung tauka Geramong Juna ke bisi diberi orang komisen laban ti nipu orang rumah panjai awak ke masuk JV.

RTM1 anang nyadi utai ti mantai ke pemula BN kelebih agi pemula ngagai orang rumah panjai.

Tu bala pemesai BN ti ngemula ke orang Iban awak ke masuk JV ke ngujung sida deka lenyau tanah sida!

Bisi dipansut ke RTM1nya pasal pengidup orang rumah panjai ti berubah laban ke bisi datai jalai raya ngagai menua sida, Aku ka nanya pengentara RTM1 ti beli tu, sapa ti ngemaju tauka meri jalai ngagai sida..perintah ke orang rumah panjai? BN anang bula jalai tu digaga ari rega gadai tanah NCR orang rumah panjai ngagai bank kena ngemansang ke skim/projek JV tu. BN anang nempap dada diri lalu madah ke pemansang jalai raya di bai sida....Jalai raya tu digaga oleh orang rumah panjai ari rega tanah NCR sida. Sepatut iya BN berasai malu laban ti nual tanah orang rumah panjai kena ngemansang ke sida. Geramong Juna, menteri Iban ti Engkecit maia Ming Court sepatut iya dibai ngagai court laban ti nipu orang rumah panjai masuk JV ti nadai penguntung lalu ngujung ke sida deka lenyau tanah sida dalam kandang 60 taun ti ka datai tauka sida mega tau lenyau tanah sidanya seumur idup sida.

Ngagai bala pemaca Bukittunggal, padah ngagai bala ti agi diau di rumah panjai  pasal program Sejiwa Senada RTM1 ti nipu serta semina mantai ke pemula BN.

lalu pia mega padah ngagai bala ti diau di rumah panjai, ARAM KITAI BERUBAH diatu lalu anang ngundi tauka nyonteng BN laban kitai Iban ngelama ti dipegai BN nyau ka pengelama 50 taun tang lalu nadai pemansang!

Mupok Aku